sajhaonlinetv. com
काठमाण्डौ , नेपाली चलचित्र समान्यतया हरेक हप्ताको सुक्रबार रिलिज हुने गर्थ्यो तर यो हप्ता जनैपूर्णिमा एवं रक्षाबन्धनको मौका छोपेर आज बिहीबार दुई नेपाली चलचित्र ‘ऐंचोपैंचो’ र ‘गणपति’ रिलिज भएका छन् । बक्स अफिसमा विदेशीको दबदबा रहँदा यी दुईसामु घरेलु चलचित्रलाई लयमा फर्काउनुपर्ने चुनौती छ ।
कृषा चौलागाईंको डेब्यु निर्देशन रहेको फिल्म ‘ऐंचोपैंचो’लाई सोसल ड्रामा जनरामा राखिएको छ । राजनीतिले समाज र परिवारमा पार्ने असरको कथामा आधारित यो फिल्ममा स्वस्तिमा खड्का, मुकुन भुसाल, वर्षा राउत र सुशील सिटौलाको शीर्ष भूमिका छ । ‘ऐंचोपैंचो’लाई केन्द्रीय चलचित्र जाँच समितिले युनिभर्सल प्रमाणपत्र दिएको छ भने यसको लम्बाइ १२६ मिनेट तय छ ।
ऐचो पैचोले हिजो बुधवार काठमाण्डौको सिटी सेन्टर स्थित बिग मुभिज मा एक भब्य पृमिएर शो गरेको थियो । उक्त शोमा नेपाली चलचित्र क्षेत्रका अधिकाम्स कलाकार तथा सर्जक हरुको उपस्थिती थियो भने पूर्व प्रधान मन्त्री माधब नेपाल देखी थुप्रै राजनैतिक दलका नेता हरुले चलचित्र हेरेका थिए ।
चलचित्र राम्रो रहेको अधिकाम्स सर्जक तथा कलाकार को भनाई थियो ।
बिहीबार नै अर्को नेपाली फिल्म ‘गणपति’ पनि रिलिज भएको छ । सविन अधिकारी निर्देशित फिल्ममा मुकुन भुसाल, मेनुका प्रधान, प्रकाश घिमिरे र राजाराम पौडेलको प्रमुख अभिनय छ ।
सोसल ड्रामा र कमेडी जनरामा राखिएको यो फिल्मको लम्बाइ १४२ मिनेट छ । जन्मिंदा भगवानको रुपमा जन्मिएको शीर्ष पात्रलाई कसरी समाजले भगवान बन्न दिंदैन भन्ने कथावस्तुमा फिल्म घुमेको छ । बिहीबार एकैदिन मुकुनका दुई फिल्म रिलिज भएका हुन् । हलहरुले यी दुई फिल्मलाई अपेक्षाभन्दा न्यून शो दिएका छन् ।
