sajhaonlinetv. com
काठमाडौं। नेपाली साहित्यका चर्चित स्रष्टा विजय मल्लको बहुचर्चित उपन्यास ‘अनुराधा’ अब चलचित्रका रूपमा दर्शकमाझ आउने भएको छ। निर्माता प्रदीप कुमार उदयले उपन्यासलाई फिल्ममा रूपान्तरण गर्ने तयारी अघि बढाएका छन्।
फिल्मको निर्देशन ऋषि लामिछानेले गर्ने भएका छन् भने पटकथा लेखनको जिम्मेवारी चर्चित स्क्रिप्ट राइटर सामिप्य तिमल्सिनाले पाएका छन्। तिमल्सिनाले आफूलाई मन परेको साहित्यिक कृतिमाथि काम गर्ने अवसर पाउनु विशेष भएको बताएका छन्।
पितृसत्तात्मक समाजमा महिलाले भोग्ने विभेद, संघर्ष, आत्मसम्मान र स्वतन्त्रताको विषय उठाउने ‘अनुराधा’लाई फिल्ममा सामाजिक, राजनीतिक, सांस्कृतिक तथा शैक्षिक पक्षसहित प्रस्तुत गर्ने तयारी छ।
पी.आर. सिनेमा प्रालिको ब्यानरमा निर्माण हुने फिल्मको अनुमानित बजेट १ करोड ३५ लाख रुपैयाँ रहेको छ। चलचित्र विकास बोर्डबाट निर्माण अनुमति समेत प्राप्त भइसकेको निर्माण पक्षले जनाएको छ।
फिल्ममा कलाकार तथा प्राविधिक टोली छनोटको प्रक्रिया जारी छ। निर्माता उदयको फिल्म निर्माणमा पुनरागमनसँगै निर्देशक ऋषि लामिछाने र पटकथाकार सामिप्य तिमल्सिनाको यो तेस्रो सहकार्यसमेत हुने भएको छ।
साहित्यको चर्चित कृति ‘अनुराधा’ पर्दामा
विजय मल्लको ‘अनुराधा’ नेपाली साहित्यको चर्चित उपन्यासमध्ये एक हो । पितृसत्तात्मक समाजमा महिलाले भोग्नुपरेका विभेद, उत्पीडन र संघर्षलाई केन्द्रमा राखिएको यस कृतिले महिलाको आत्मसम्मान, स्वतन्त्रता र विद्रोहको कथा प्रस्तुत गर्छ । निर्माण पक्षका अनुसार फिल्मले मूल कृतिको भावनालाई आत्मसात गर्दै सामाजिक, राजनीतिक, सांस्कृतिक तथा शैक्षिक सन्देश बोकेको कथा प्रस्तुत गर्नेछ । उपन्यासकार विजय मल्ल स्वयं यस परियोजनाका लेखकका रूपमा रहने छन् । फिल्म निर्माणका लागि आवश्यक प्रक्रिया अघि बढिसकेको छ भने चलचित्र विकास बोर्डबाट निर्माण अनुमति समेत प्राप्त भइसकेको निर्माण पक्षले जनाएको छ ।
१ करोड ३५ लाख अनुमानित बजेट
‘अनुराधा’ पी।आर। सिनेमा प्रालिको ब्यानरमा निर्माण हुनेछ । निर्माण पक्षले फिल्मको अनुमानित बजेट १ करोड ३५ लाख रुपैयाँ रहने जनाएको छ । फिल्मका निर्देशक, कलाकार तथा प्राविधिक टोलीको छनोट प्रक्रिया अझै जारी रहेको बताइएको छ । निर्माण पक्षले कलाकार छनोट, छायांकन तालिका तथा अन्य प्राविधिक पक्षबारे थप जानकारी क्रमशः सार्वजनिक गर्ने तयारी गरेको छ ।
निर्माता प्रदीप कुमार उदय नेपाली फिल्म क्षेत्रमा लामो समयदेखि सक्रिय नाम हुन् । उनले ‘चेलिबेटी’, ‘अल्प विराम’, ‘कहीँ मिलन कहीँ बिछोड’, ‘पहिलो पहिलो माया’, ‘मालतीको भट्टी’, ‘हाम्रो माया जुनी जुनीलाई’, ‘अधकट्टी’, ‘मञ्जरी’, ‘नमस्ते नेपाल’, ‘संरक्षण’ र ‘शुभ लभ’ लगायतका फिल्म निर्माण गरिसकेका छन् । उनको निर्माणमा बनेको ‘लाखे आजु’ प्रदर्शनको तयारीमा छ । नेपाल चलचित्र संघका पूर्व अध्यक्षसमेत रहेका उदयले साहित्यिक कृतिमाथि फिल्म निर्माण गर्दै नेपाली साहित्य र फिल्मबीचको सम्बन्धलाई थप बलियो बनाउने उद्देश्य राखेका छन् ।
