sajhaonlinetv. com
काठमाडौँ । ‘हात्तीछाप’ माघको २६ बाट सार्वजनिक प्रदर्शनमा आउने फिल्म हो । फिल्म स्वदेश र विदेशमा एकसाथ रिलिज हुने भएको छ । फिल्मको अन्तर्राष्ट्रिय वितरक एमएसएम इन्टरटेन्मेन्टले सोही दिनबाट नै फिल्म विदेशमा पनि लाग्ने जानकारी दिएको हो ।
वितरक एमएसएम इन्टरटेन्मेन्टले फिल्मलाई अस्ट्रेलियामा रोटेपिङ इन्टरटेन्मेन्टले मिलेर रिलिज गर्दैछन् । यस्तै, अमेरिका र क्यानडामा यात्री डिजिटलले रिलिज गर्दैछ । यस्तै, यूरोपका सम्पूर्ण देशमा फिल्मलाई नेपाली मुभी टाइम डेनमार्कले रिलिज गर्नेछ । मध्यपूर्वका देशमा फिल्मलाई सुप्रिम फिल्म प्रोडक्शन एन्ड डिस्ट्रिब्यूसन कम्पनीले रिलिज गर्ने भएको निर्माता किरण नेपालीले जानकारी दिए । दक्षिण कोरिया र जापानमा फिल्मलाई यूएनए इन्टरटेन्मेन्टले रिलिज गर्नेछ ।
सिमोस सुनुवारको निर्देशनमा बनेको यो फिल्मले नेपालसँगै विदेशमा पनि सुखद कमाई गर्ने अपेक्षा गरिएको छ । किरण नेपालीको प्रस्तुतकर्ता रहेको फिल्ममा दयाहाङ राई, सौगात मल्ल, उपासना सिंह ठकुरी, बेनिशा हमाल, विजय बराल, बुद्धि तामाङ, विल्सन विक्रम राई लगायतका कलाकारको अभिनय छ ।
