sajhaonlinetv. com
काठमाडौँ उपत्यकाको न्यूनतम तापक्रम आज (बिहीबार) पनि हिजो (बुधबार) को जत्तिकै छ। उपत्यकाको तापक्रम निकै घटिरहेको छ । चिसो बढीरहेको छ ।
मौसम पूर्वानुमान महाशाखाका मौसमविद् गोविन्द झाका अनुसार आज बिहान ५:४५ को मापनमा उपत्यकाको न्यूनतम तापक्रम ५.७ डिग्री सेल्सियस छ। हिजो पनि उपत्यकाको न्यूनतम तापक्रम यत्ति नै थियो।
यद्यपि आजको आधिकारिक न्यूनतम तापक्रम अहिले बिहान ८:४५ बजे आउनेछ। तर ६:४५ बजेको भन्दा धेरै तलमाथि हुँदैन।
२४ घण्टामा सबैभन्दा कम तापक्रमलाई त्यस दिनको न्यूनतम र २४ घण्टामा सबैभन्दा बढी तापक्रमलाई त्यस दिनको अधिकतम तापक्रम भनिन्छ। बिहान ८:४५ भित्र न्यूनतम तथा साँझ ५:४५ भित्र अधिकतम तापक्रम मापन गरिन्छ।
