sajhaonlinetv. com
काठमाडौं । चर्चित मोडल तथा कलाकार सनिशा भट्टराईले विराज भट्टको फिल्म ‘१२ गाउँ’बाट फिल्म अभिनयमा डेब्यु गर्ने भएकी छन् ।
निर्देशक तथा निर्माता भट्टले सनिशालाई फिल्मको प्रमुख भूमिकामा अनुबन्धित गरिएको जानकारी दिएका छन् । सनिशासँगको तस्वीर सेयर गर्दै उनले लेखेका छन्- ‘धेरै सम्भावना बोकेकी, सौन्दर्य तथा कलाकी धनी सनिसा भट्टराई हाम्रो १२ गाउँ चलचित्रमार्फत प्रमुख भूमिकामा आफ्नो फिल्मी यात्राको सुरुवात गर्दै । उहाँलाई धेरै धेरै बधाई तथा शुभकामना ।’
गायक हिमाल सागरको चर्चित गीत ‘ए होर माया’, अनु चौधरीले गाएको फिमेल भर्सन ‘तिमीलाई हेर्ने बानी प¥यो’मा सनिशाले अभिनय गरेकी छन् । यीसहित दर्जनौं गीतमा अभिनय गरेकी भट्टराई अहिलेकी ब्यस्त म्युजिक भिडियो कलाकार हुन् ।
