केपी ओलीले राष्ट्रपति समक्ष पेस गरे प्रधानमन्त्रीमा दाबी

काठमाण्डौ ,नेकपा एमाले अध्यक्ष केपी शर्मा ओलीले कांग्रेस सभापति शेरबहादुर देउवाको साथमा शुक्रबारै राष्ट्रपति निवास पुगेर नयाँ प्रधानमन्त्रीमा दाबी पेस गरेका छन्।
राष्ट्रपति रामचन्द्र पौडेलले नेपालको संविधानको धारा ७६ को उपधारा (२) बमोजिम प्रधानमन्त्री पदका लागि दाबी पेस गर्न आह्वान गरेलगत्तै ओलीले शीतल निवास पुगेर दाबी पेस गरेका हुन्।
दाबी पेस गर्न एमाले अध्यक्ष ओली, कांग्रेस सभापति शेरबहादुर देउवा, कांग्रेस प्रमुख सचेतक रमेश लेखक, एमाले वरिष्ठ उपाध्यक्ष ईश्वर पोखरेल, एमाले उपाध्यक्ष विष्णु पौडेल, एमाले प्रमुख सचेतक महेश बर्तौला, पूर्वमहान्यायाधिवक्ता रमेश बराल लगायत शीतल निवास पुगेका थिए।
दलका नेताका हैसियतमा बहुमत सदस्यको हस्ताक्षरसहित अध्यक्ष ओलीलाई प्रधानमन्त्रीमा नियुक्तिका लागि राष्ट्रपतिसमक्ष केही बेरअघि दाबी पेस गरिएको कांग्रेस र एमालेद्वारा जारी संयुक्त विज्ञप्तिमा उल्लेख छ।
राष्ट्रपति सचिवालय स्रोतका अनुसार प्रधानमन्त्री नियुक्ति आइतबार हुनेछ र सोही दिन शपथ गराइनेछ।

सम्बन्धित खवर

प्रधानमन्त्री ओलीले आज प्रतिनिधिसभा बैठकलाई सम्बोधन गर्ने

२३ असार २०८२, सोमबार ०४:२५

ऋषि लामिछानेको निर्देशनमा निर्माण भएको चलचित्र ‘माग्ने राजा’को टिजर सार्वजनिक

१६ असार २०८२, सोमबार १०:३५

‘सिटामोल’को टिजर सार्वजनिक

१६ असार २०८२, सोमबार ०१:४५

नायिका अनमोल केसी र चलचित्र ‘फर्की फर्की’ निर्माण पक्षविरूद्ध मुद्दा दायर

९ असार २०८२, सोमबार १०:३९

‘माग्ने राजा’को पोस्टर सार्बजनिक

७ असार २०८२, शनिबार ०६:४५

चलचित्र ‘मोहर’को पहिलो गीत ‘चाहिँदैन मोहर पर्दैन सुकी’सार्वजनिक

६ असार २०८२, शुक्रबार १४:२१