sajhaonlinetv. com
काठमाण्डौ-मिलन चाम्स निर्देशित चलचित्र ‘वर एण्ड वधू’ को गित “तिमी सँग” सार्बजनिक भएको छ । फिल्मले आइतबार पहिलो गीत सार्वजनिक गर्दै प्रचार अभियान सुरु भएको जनाएको छ ।
नयाँ बानेश्वरस्थित आइएनआई हलमा आयोजित पत्रकार सम्मेलनमा आइतबार फिल्मको पहिलो गीत सार्वजनिक गरियो । पछिल्लो समयको वैवाहिक ट्रेन्डको कथावस्तुमा बनेको यो सोसल-कमेडी ड्रामामा आँचल शर्मा र डेब्यु अभिनेता विवेक कर्माचार्यको शीर्ष भूमिका छ । सार्वजनिक गीत ‘तिमी’सँगमा यी दुई कलाकार रोमान्टिक देखिएका छन् ।
निर्देशक चाम्सले आँचल र विवेकलाई ग्ल्यामर अन्दाजमा पेश गरेका छन् । गीत स्क्रिनिङपछिको प्रश्नोत्तरमा आँचललाई यो बोल्डनेसबारे प्रश्न सोधियो । उनले गीतको दृश्यलाई बोल्डभन्दा पनि ग्ल्यामरको रुपमा बुझ्नुपर्ने बताइन् ।
परिवार भइसकेको व्यक्तिलाई यसरी बोल्ड दृश्य दिंदा अप्ठ्यारो हुँदैन भनेर सोधिएको प्रश्नमा उनले भनिन्, ‘यस्तो दृश्य दिंदा मलाई अप्ठ्यारो लाग्दैन, यो मेरो काम हो ।’
