‘जन्ते बाख्रो’को मुख्य नायिकामा गरिमा शर्मा अनुबन्धित

काठमाण्डौ । निर्देशक सिमोस सुनुवारको निर्देशनमा निर्माण हुने नेपाली चलचित्र ‘जन्ते बाख्रो’को मुख्य नायिकामा गरिमा शर्मा अनुबन्धित भएकी छन् । शुक्रबार सिनेमाको निर्माण टिम र अभिनेत्री शर्माबीच औपचारिक रुपमा लिखित सम्झौता भएको हो ।
अभिनेत्री शर्मा अडिसनबाट सिनेमाको मुख्य अभिनेत्रीमा छनोट भएकी हुन् । आगामी पुष १ गतेबाट छायांकनमा निस्कने तयारीमा रहेको सिनेमाको मुख्य अभिनेतामा यसअघि नै अभिनेताद्धय सौगात मल्ल र आशिफ शेख अनुबन्धित भैसकेका छन् । उनीहरु दुवै जनासँग अभिनेत्री शर्मा जोडीको रुपमा अभिनय गर्न लागेको निर्माण टिमले जानकारी दिएको छ ।
‘लण्डन टु पेरिस’बाट नेपाली रजतपटमा डेव्यु गरेकी गरिमाले ‘ह्रस्व दीर्घ’ र ‘वर एण्ड वधु’मा नायिका को भूमिकामा काम गरिसकेकी छिन । म्युजिक भिडियोबाट चर्चामा आएकी गरिमा पहिलो पटक सिनेमा सोलो अभिनेत्रीको रुपमा अभिनय गर्न लागेकी हुन् । यो सिनेमालाई लिएर अभिनेत्री शर्मा उत्साहित देखिएकी छन् । मंसिर २० गतेबाट वर्कसप सुरु हुन लागेको सिनेमाको रिलिज टार्गेट आगामी जेठलाई राखिएको छ ।
मुईन इन्टरटेनमेन्टको प्रस्तुति रहने ‘जन्ते बाख्रो’ कमेडी कथावस्तुमा निर्माण हुँदैछ । प्रदीप भारद्धाजको कथा, पटकथा र संवाद लेखन रहेको सिनेमाको निर्माता सन्तोष गौतम हुन् । बेहुली भित्र्याउने दिन जन्तीलाई खुवाइने भोजलाई जन्ते बाख्रो भन्ने चलन छ । सिनेमाको कथावस्तु यसैको वरिपरि आधारित रहने बुझ्न सकिन्छ । सिनेमालाई हरि हुँमागाईले खिच्ने छन् ।

सम्बन्धित खवर

एकैदिन सुनमा १२,५०० रुपैयाँको गिरावट, चाँदी पनि सस्तो

८ चैत्र २०८२, आईतवार ०८:१०

कपिलवस्तुमा तनावपछि निषेधाज्ञा लागू, स्थिति नियन्त्रणमा

७ चैत्र २०८२, शनिबार १०:३३

आँचलको फिल्म ‘एक मुठी बादल’ जेठ १ देखि प्रदर्शनमा,

२६ फाल्गुन २०८२, मंगलवार ०८:२०

पूर्व प्रधानमन्त्री ओली र पूर्व गृहमन्त्री लेखक विरुद्धको जाहेरी प्रहरीले जाँचबुझ आयोगमा पठायो

२१ आश्विन २०८२, मंगलवार ११:५०

शेरबहादुर देउवाका सासुससुरा बस्ने घरमा पनि सीआईबी को छापा

१३ आश्विन २०८२, सोमबार ०८:५६

आज देखि बिश्वभर ‘माइतीघर’, ‘बलिदान’ र ‘हरिबहादुरको जुत्ता’ प्रर्दशन

१३ आश्विन २०८२, सोमबार ०४:१५