sajhaonlinetv. com
आज एकपटक पुनः टर्कीमा युक्रेन र रुसका प्रतिनिधिमण्डलबीच भेटघाट भइरहेको छ । यी वार्तामा युक्रेनले आफ्नो भूभागको सार्वभौमसत्ता नत्यागिकन युद्धविरामको माग गर्दै आएको छ ।
युक्रेनका विदेशमन्त्री दिमित्रो कुलेबाले इस्तानबुलमा वार्ताबारे भने, ‘हामीले जनताको, भूमि वा सार्वभौमसत्ताको सम्झौता गरिरहेका छैनौँ ।’
उनले युक्रेनको सरकारी टिभी च्यानललाई भने, ‘यो कुराकानीले कम्तीमा मानवीय मुद्दामा सहमति र धेरैभन्दा धेरै युद्धविराममाथि सहमति हासिल हुनसक्छ ।’
तर युक्रेनको गृह मन्त्रालयका सल्लाहकार वादिम डेनिसेन्कोले वार्तामा कुनै सफलता हात लाग्ने कुरामा आफूलाई शंका लागेको बताउँछन् ।
अमेरिकी विदेश विभागका एक वरिष्ठ अधिकारीले युक्रेन–रुसबीच केही राम्रो हुने आशामाथि शंका जताउँदै रुसी राष्ट्रपति भ्लादिमिर पुटिन युद्ध समाप्त गर्नका लागि सम्झौता गर्नका लागि तयार नभएको बताएका छन् ।
समाचार स्रोत : रातो पाटी
