काठमाडौं महानगरपालिकाको मतगणना सर्वदलीय बैठकमा सहमति भए आजै रातिबाट हुने भएको छ ।
काठमाडौं महानगरपालिकाको मतगणना सर्वदलीय बैठकमा सहमति भए आजै रातिबाट सुरू हुने जानकारी काठमाडौंको जिल्ला निर्वाचन अधिकारी ठाकुरप्रसाद भट्टराईले बताए ।
काठमाडौं महानगरपालिकाको मतगणना राष्ट्रिय सभागृहमा हुने भएको छ । भट्टराईका अनुसार सभागृहमा धमाधम मतदान स्थलहरुबाट मतपत्रसहितको बाकस आउनेक्रम जारी छ ।
सर्वदलीय-सर्वपक्षीय बैठकमा सहमति नभए निर्वाचन अधिकृतहरुले मतगणनाको समय हेरफेर हुनसक्ने भट्टराईले बताए ।
सर्वदलीय-सर्वपक्षीय बैठकले निर्णय गरेमा काठमडौं जिल्लाका सबै पालिकाको आजै रातिदेखि मतगणना गर्ने तयारी छ ।










